KLEI IÊU MTHƯR MƠNG ÊPUL MTRÔNG HGUM

Drai asap waterfall in Dak Lak province.

KNUK KNA ĐÊGA

Central Highland of Dega Lived in peace
Ala Čar Dap kngư Đêga Hdip Hlăm klei êđap Ênang

Drei iêu drei pô Đêga: Drei hdip hlăm klei êđap Ênang Êlâo Kơ thūn 1954. Dơng Mơng Aê Diê
hrih adiê lăn ala drei, mnuih Đêga hdip pla sa anôk hlăm Lăn ala dap kngư, mdê kdreč hong
Vietnam. Đêga jing mdê djuê Ana hong Yuăn." Yuăn mnuih Mơng êngao".Drei čiăng Mâo klei
găl klei čuån mjing mă pô leh anăn klei git gai Kia kriê mă pô. Drei hrie Ti ala Čar lir mguôp

anei čiang bi truh Kơ phun klei čiăng Mâo drei.

KLEI IÊU MTHƯR MƠNG ÊPUL MTRÔNG HGUM.
Mơng Êpul Phun Bruă Krơng Đru Kơ Anak Đêga Inc.

Dega movement for Independence.
Đêga Krû Kdơng Čiăng Mâo klei Êngiê Khuăl.

Ơ phung amiêt awa, khua mduôn, amuôn adei leh anăn anak buôn sang khâp hơ-
iêng! Hmei čiăng hưn mthâo hong jih jang anak buôn sang Đêga drei hlăm lăn Ala
dap Kngư leh anăn hlăm čar tač êngao, kơyua diih mâo klei jhong mă tu klei ruă
knap mơng knuk kna Yuăn čăm biêng, krư kđăl tăp năng bi mdjiê, ara anei jih jang
čar ti But Čar Hgum leh anăn čar Amerrikkăn thâo krăl kơ djuê Ana Đêga drei
jing Anak Đêga sit ti Ala Čar dap Kngư leh anăn thâo săng klă kơ klei knuk kna
Yuăn ktư juă ngă măk bai čiăng bi mdjiê bi rai luč djuê Ana Đêga drei Čiăng kơ
diñu dưi mă tu lăn êa pưk hma aduôn Aê drei kơ diñu pô.

Hmei jih jang êpul tui hlue Phun Bruă Krơng Đru kơ Anak Đêga, mâo klei mpu
sơnăk kơ phung anak Đêga drei jhong nao ngă klei ur krao tăl êlâo hin hlăk thun
( 1958 ), lơ 2,3 mlan 2 thun 2001 leh anăn lơ 9-10 mlan 4 thun 2004. Leh anăn,
hmei jih jang hlăm êpul Phun Bruă mâo klei ênguôt hning mbit hong phung găp

ĐÊGA 1

KNUK KNA ĐÊGA

djuê anak buôn sang drei mâo anak čô ung kjar mă tu klei knuk kna Yuăn čăm
biêng, krư kđăl leh anăn bi mdjiê kơyua klei digơ nao ur krao čiang bi êdah klei
jhat Yuăn ktư jua bi mdjiê bi rai anak buôn sang Đêga drei kơ jih jang Čar ti dlông
rong lăn ala anei thâo.

Hmei phung tui hlue Phun Bruă Krơng Đru kơ Anak Đêga mbit hong anak buôn
sang Đêga drei dôk hdip ti Ala dap Kngư hdơr min leh anăn wăh lač nanao kơ
phung ayong adei amiêt Awa drei ăt dôk hlăm sang krư knuk kna jhat bai Yuăn
klin leh anăn kơ phung mô anak găp djuê digơ amâo mâo pô kăp Čiêm rông ba.

Hmei čiăng iêu kwưh kơ jih jang anak buôn sang Đêga drei hlăm lăm leh anăn ti
čar tač êngao, đăm drei mâo klei hyưt hui ôh kơ klei truh kơ drei kơyua klei hdip
drei dôk hlăm kie kngan Aê Diê Khua Yang drei. Biadah brei drei dôk kjăp hlăm klei
đao leh anăn knang kơ Khua Yang Aê Diê kjăp phit hong klei wah lač amâo mdei kơyua knong
hong Aê Diê yơh drei sơrăng dưi.

Brei drei thâo Săng, Aê Êa drao amâo thâo mdrao ôh tơdah amâo mâo klei ruă, mse sơnăn mơh
phung phat k'đi amâo thâo phat k'đi ôh tơdah amâo mâo k'đi. Sơnăn yơh đăm brei drei hui ôh
kơ klei arăng ngă jhat kơ drei kơyua klei jhat anăn yơh brei klei găl kơ phung drei srăng đoh ba
knuk kna Yuăn nao ti sang phat k'đi.

Brei drei thâo Săng, ktang knuk kna Yuăn ngă jhat kơ drei prong mơh klei găl drei lo đi, ktang
knuk kna Yuăn ngă jhat kơ drei prong mơh klei soh knuk kna Yuăn lo đi, ktang knuk kna Yuăn
ngă jhat kơ drei, djăl mơh phung phat k'đi sơrăng phat brei k'đi drei. Sơnăn yơh brei drei thâo
săng klă kơ klei ktang drei kbiă hrie mơng klei drei jhong mă tu klei jhat arăng ngă kơ drei.

Čiâng bi mđi ai tiê kơ jih jang djuê Ana Đêga drei, đăm brei drei hui ôh, drei êbat hong klei đao,
klei čăng hmăng, leh anăn klei khăp.
1, drei knang kơ Aê Diê hlăm djăp mta bruă drei ngă.
2, Brei drei knang kơ drei pô jhong krơng klăm sït leh anăn jao jih ai tiê klei min kơ bruă kru.
3, Drei knang kơ knuk kna Amêrikkăn hlăm jih jang klei êdu awăt drei, kyuadah Aê Diê brei klei
dưi kơ čar diñu.
4, Drei knang kơ êpul kbut čar hgum, jing êpul kăp ksiêm dlăng kơ jih jang hong klei tăp mđơr.

ĐÊGA 2

KNUK KNA ĐÊGA

Kơyua êlan bruă drei ngă anei drei mâo klei găl prong msë si êa ksi puh yă dưi puh mđuë djăp
mta mnơng. leh anăn amâo djo drei hiu duah tle huăk do dô arăng ôh, amâo djo drei hiu duah
mdjiê arăng ôh leh anăn kăn drei Čiăng mdlưh knuk kna Yuăn ti Hanôi lei. Yuăn jing mnuih
mơng êngao, leh anăn Đêga jing mdê djuê Ana hong Yuăn. Drei čiăng kơ knuk kna Yuăn kdun
đuê jih mơng lăn Ala dap kngư hong klei êđap ênang, leh anăn pok boh băng kơ êpul but čar
hgum dưi nao trun hlăm lăn ala dap kngư.

Sơnăn yơh đăm brei drei hui ôh kơyua bruă drei ngă anei amâo mâo sa mta klei soh ôh leh anăn
drei thâo sit tơdah drei djiê drei sơrăng nao dôk hdip mbit hong Aê Diê Khua Yang drei hlăm
buôn jăk ñu ti dlông.

Êlâo kơ mjưh klei blû, hmei kwưh akâo kơ Aê Diê Khua Yang čiăng kơ ñu bi mngač brei klei
min kơ grăp čô anak buôn sang Đêga drei, čiăng kơ drei thâo săng kla bruă Krơng Đru kơ
Anak Đêga dôk ngă ara anei, boh băng ăt dôk pok nanao leh anăn bi kjăp klei đao drei, bi mđi ai
tiê hdơng drei hlăm klei hgum mguôp hlăm klei thâo khăp, bi ktang klei drei knang kơ Aê Diê
leh anăn đru ba drei hlăm klei gir mă tu klei rua knap êjai dôk guôn hrue Aê Diê sơrăng brei klei
êngiê khuăl kơ djuê Ana Đêga drei ti Ala Čar dap kngư leh anăn klei êđap ênang kơ anak buôn
sang Đêga drei, Amen.