Hdor lo 10 mlan 4, 2004.

MONTAGNARD SUPPORT GROUP, INC

Đêga kgŭ kdðng čiăng mâo klei čuăn mjing mă pô, êngiê, leh anăn klei êngiê khual.

P. O. BOX 668843

Charlotte, NC 28266

Email: ymut1961@gmail.com: Website; https://montagnardsupportgroup.blogspot.com

Drei iêu drei pô Đêga. Prăng iêu hmei Montagnard êbâo thŭn hmei mnuih Ðêga hdip pla hŏng klei êngiê khual hlăm lăn ala dap kngư, mdê kdrêč lăn ala čar hŏng Viêtnam. Djuê ana Ðêga jing mdê djuê ana hŏng Yuăn. Hlăm thŭn 1950 Yuăn mnuih mðng êngao mă dôk lăn ala čar Đêga leh anăn tlě yap lăn ala čar Ðêga jing sa kdrêč hŏng Viêtnam. Mă mðng năn djuê ana Ðêga mâo klei bi mdjiê bi rai leh anăn jing hlŭn êđai. Drei hriê ti ala čar lir mguôp anei

čiăng bi truh kơ phŭn klei čiăng mâo drei klei êngiê mgang pô.

Lơ 10 mlan 4, 2018, hdơr hruê Aê Diê dôk mbit hŏng Đêga lơ 10 mlan 4, 2004.

Lač jăk kơ Aê Diê dôk mbit hŏng djuê ana Đêga, lač jăk kơ Aê Diê dôk mbit hŏng klei krŭ kdðng djuê ana Ðêga leh anăn lač jăk kơ Aê Diê dôk mbit hŏng Knŭk-Kna Amerrǐkkăn.

Hruê anei jing hruê Ala čar Ðêga leh anăn mnuih ƀuôn Đêga bi mni lač jăk kơ Aê Diê.

Hruê anei jing hruê Ðêga hdơr kơ hruê Aê Diê dôk mbit hŏng djuê ana Ðêga lơ 10 mlan 4, 2004, leh anăn lơ 4 mlan 12, 1984.

Lơ 10 mlan 4, 2004, mnuih ƀuôn sang Ðêga ur krao kơ Yuăn brei wǐt lăn ala Đêga hmei hŏng êđăp ênang. Yuăn yua klei krêñ ăl diñu leh anăn diñu čăm biêng dhiêng knua mnuih ƀuôn Đêga. Mâo phung djiê, mâo phung êka leh anăn mâo phung ruă kjham.

Phung djiê Aê Diê rŭ kgŭ lŏ hdip leh anăn phung êka, ruă Aê Diê bi hlao, snăn hruê anei jing hruê Ðêga bi mni lăč jăk kơ Aê Diê dôk mbit hŏng djuê ana Đêga msě si Aê Diê dôk mbit hŏng Israel.

Hruê ane jing hruê Ðêga drei bi mni lăč jăk kơ Aê Diê dôk mbit hŏng djuê ana Đêga drei dðng mðng hruê ñu hrih adiê lăn ala hlong truh kơ hruê anei. Djuê ana Ðêga drei ăt dôk hdip mðng klei phung Yuăn bi mdjiê bi rai dðng mðng thŭn 1960, hlong truh kơ hruê anei. '' Djuê ana Ðêga dôk hdip hruê anei '' lăċ jăk kơ Aê Diê.

Dlăng hdruôm hră Y ÊSAI klei Aê Diê blŭ '' Kdrêč 41'' mðng êlan 8 – 14, akâo sa čô dlăng '' dlăng ruě leh ''. Čuôn kơŭt. Alum jih jang wah lăč tui si êlan kliăng dlăng.

Hruê anei jing hruê Ðêga drei bi mni lăč jăk kơ Aê Diê dôk mbit hŏng klei krŭ djuê ana Đêga drei dðng mðng thŭn 1958 hlong truh kơ hruê anei. '' Klei krŭ djuê ana Ðêga drei dôk hdip hruê anei '' lăč jăk kơ Aê Diê.

Dlăng hdruôm hră Y ÊSAI klei Aê Diê blŭ '' Kdrêč 43 '' mðng êlan 1-5. Akâo sa čô dlăng '' dlăng ruě leh.'' Čuôn kơŭt. Alum jing jang wah lăč tui si êlang kliăng dlăng.

Hruê anei jing hruê Ðêga drei bi mni lăč jăk kơ Aê Diê, Snăn Aê Diê yua Knŭk -Kna Amerrǐkkăn ba nao ling khan diñu mgang djuê ana Ðêga drei mă mðng thŭn 1960 truh kơ thŭn 1973. Kyua mâo ling khan Amerrǐkkăn hlăm lăn ala dap kngư djuê ana Đêga drei mâo klei dôk hdip hruê anei. Tơdah amâo mâo ôh ling khan Amerrǐkkăn hlăm lăn ala dap kngư. Snăn djuê ana Đêga Yuăn bi mdjiê jih mliêt leh.

Djuê ana Ðêga dôk hdip hruê anei, Lăč jăk kơ Aê Diê leh anăn lăč jăk kơ Knŭk-Kna Amerrǐkkăn.

Dlăng hdruôm hră Y YÊRÊMI klei Aê Diê blŭ '' Kdrêč 29 '' mðng êlan 10 – 14. Akâo sa čô dlăng '' dlăng ruě leh. Čuôn kơŭt. Alum jih jang wah lăč kơ Knŭk-Kna Amerrǐkkăn brei Aê Diê yua Knŭk-Kna Amerrǐkkăn srăng bi mtliah djuê ana Ðêga drei.

Lač jăk kơ Aê Diê dôk mbit hŏng Knŭk-Kna Amerrǐkkăn.

Lač jăk kơ phung dôk hmữ.

Aê Diê dôk hŏng Ðêga hlăm kdrăn tač wăt hlăm lăn ala dap kngư.

Kđăl leh anăn wah lăč.